தமிழ்நாடு வணிகர் சங்கங்களின் பேரமைப்பின் மாநில பொதுச் செயலாளராக பணியாற்றி வரும் திரு Ve.கோவிந்தராஜுலு அவர்கள் வணிகர் நற்பணியில் 25 ஆண்டுகளுக்கும் மேலாக ஈடுபட்டு வருபவர் திருச்சியில் பகுதி செயலாளராக வணிகர் சங்க பணியினை துவங்கியவர்.

திருச்சி மாவட்ட தலைவர், திருச்சி மண்டல தலைவர், மாநில செயலாளர், மாநில பொருளாளர், மாநில பொதுச்செயலாளர் என படிப்படியாக வளர்ந்து உயர்ந்தவர் பல்வேறு பொருட்களுக்கு வரிச்சலுகையும், வரி விலக்கும் பெற காரணமாக அமைந்தவர். அரசின் அதிகார அமைப்புகளோடு சுமூகமான நல்லுறவை ஏற்படுத்திக் கொண்டு வணிகர்களின் பல்வேறு பிரச்சனைகளுக்கு தீர்வு கண்டவர். அதே நேரம் வணிகர்களின் நியாயமான கோரிக்கைகளுக்காக போராடவும் தயங்காதவர். இதன் நற்பணிகளோடு மாநிலத்தின் பல்வேறு பகுதிகளிலும் எலக்ட்ரானிக் பொழுதுபோக்கு விளையாட்டு மையங்களை அமைத்து தொழிலதிபராகவும் வலம் வரக்கூடியவர்.

இதன் காரணமாக உலகின் பல்வேறு நாடுகளுக்கு சுற்றுப்பயணம் மேற்கொள்பவர். திருச்சியில் இயங்கி வரும் பல்வேறு சங்கங்களுக்கு தலைவராகவும் கௌரவ தலைவராகவும் செயல்பட்டு வருபவர். சிறப்பான வணிகர் சங்க பணிகளை பாராட்டி அமெரிக்காவின் உலக தமிழ் பல்கலைகழகத்தால் கடந்த 2008ம் ஆண்டு கௌரவ டாக்டர் பட்டம் வழங்கி கௌரவிக்கப்பட்டவர்.

எல்லா புகழும் இறைவனுக்கே! அவனது பேரருளால் நன்மைக்கே!! எனும் கொள்கையோடு சென்னை, பூவிருந்தவல்லி பொது வியாபாரிகள் சங்கத்தின் ஒப்பற்றத் தலைவராக கடந்த 38 ஆண்டுகளாக தலைமை பொறுப்பேற்று சங்கத்தை சீரும் சிறப்புமாக நடத்தி வருபவர் ஹாஜி ஏ.எம்.சதக்கத்துல்லா. தமிழ்நாடு வணிகர் சங்கங்களின் பேரமைப்பின் மாநிலப்பொருளாளராக பொறுப்பேற்ற நாள் முதல் மாநிலத்தலைவர் எவ்வழியோ அவ்வழியே குறிப்பரிந்து செயல்பட்டு, மாநிலத்தலைவரோடு இணைந்து பேரமைப்பை சீர்மிகு செம்மையோடு வழிநடத்தி வருபவர் ஹாஜி ஏ.எம்.சதக்கத்துல்லா. தனது அகவை 75-லும் மாநிலம் முழுவதும் சுற்றுப்பயணம் மேற்கொண்டு, வணிகர்களின் உரிமைக் குரலாம் பேரமைப்பு முரசை தமிழகம் முழுவதும் ஒலிக்கச்செய்கிறார்.